Gipahigayon sa City Human Resource Management Office (CHRMO), ubos sa pagpangulo ni Magnolia O. Improgo, DPA, CGDH I (HRMO), ang ikatulong hugna sa Basic Gender and Development (GAD) Orientation didto sa Garden Party Venue, dakbayan sa Malaybalay niadtong Mayo 19, 2025. Gisalmotan kini sa 60 ka partisipante nga nagrepresentar sa 22 ka buhatan sa City Government of Malaybalay (CGM). Ang maong kalihokan kabahin sa padayon nga paningkamot sa CGM sa pagpatuman sa Gender and Development Program nga nagtumong sa pagpalambo sa kalinaw, kaangayan, ug pagpakabana sa katungod sa kalalakin-an ug kababayen-an.
Ang Resource Speaker sa maong aktibidad mao si Ms. Sansehry B. Delos Santos, DPA, SAO (HRMO IV) gikan usab sa CHRMO. Ang orientation gitumong aron masabtan ang kamahinungdanon sa GAD ug ang papel niini sa maayong pagdumala sa mga buhatan sa gobyerno ug sa katilingban.
Report: Vember Francisco, CHRMO-NADA