Alang sa padayon nga paningkamot sa pagpalig-on sa gender sensitivity ug pagpatuman sa gender mainstreaming sa lokal nga pangagamhanan sa Malaybalay, gipasiugdahan sa City Human Resource Management Office (CHRMO), ubos sa pagpanguna ni Magnolia O. Improgo, DPA, CGDH-I (HRMO), ang ika-upat nga batch sa Basic Gender and Development (GAD) Orientation niadtong Hunyo 25, 2025, didto sa People’s Hall, New City Hall, Malaybalay City. Gitambongan kini sa 80 ka mga empleyado sa City Government of Malaybalay gikan sa nagkadaiyang buhatan. Gituohan nga ang maong oryentasyon makatabang sa pagpalambo sa kahibalo sa gender equality, women’s empowerment, ug pagbatok sa diskriminasyon sa kasarian.
Ang resource speaker sa maong kalihokan mao si Dr. Sansehry B. delos Santos, Supervising Administrative Officer (HRMO IV) gikan mismo sa City Human Resource Management Office, ang mihimo sa pagpasabot sa mga partisipante bahin sa konsepto sa GAD, mga mandato sa balaod, ug aplikasyon niini sa serbisyo publiko. Ang aktibidad kabahin sa serye sa mga lakang aron masiguro ang inclusive ug gender-responsive nga palisiya ug mga programa sa lokal nga panggamhanan.
Report: Vember Francisco, CHRMO-NADA