Gipahigayon niadtong Setyembre 11, 2025 ang usa ka orientation kabahin sa Basic Gender and Development (GAD) Concepts with SOGIESC (Sexual Orientation, Gender Identity and Expression, and Sex Characteristics) alang sa mga Child Development Workers (CDWs) sa The Garden’s Party Venue, Barangay 1, ning dakbayan. Si Ms. Sansehry B. Delos Santos, DPA – HRMO IV sa City Human Resource Management Office (CHRMO) ang nagsilbing resource person ug kini gitambongan sa 118 ka mga CDWs gikan sa nagkalain-laing barangay sa Malaybalay City. Ang maong oryentasyon nagtumong sa pagpalig-on sa kahibalo sa mga CDWs kabahin sa gender sensitivity in early childhood education. Ang pagkat-on nga may kalabotan sa GAD ug SOGIESC usa ka paagi aron malikayan ang pagpanghimatuod sa mga stereotype, ug aron mapaambit ang patas nga oportunidad sa tanang kabataan bisan pa sa ilang gender identity o expression.
Ang maong kalihokan kabahin usab sa 3rd Quarter CDWs Conference. Gilauman nga pinaagi sa maong aktibidad, ang mga CDWs mahimong mas andam sa pagpatuman sa usa ka inclusive, gender-fair, ug child-centered nga Early Childhood Program sa Malaybalay City. Usa kini ka dakong lakang sa pagkab-ot sa non-discriminatory ug safe learning environment para sa mga kabataan. Ang maong kalihukan gigahinan ug ₱35,560.00.
Report: Vember Francisco, CHRMO-NADA