Ang City Health Office (CHO) sa Malaybalay City, pinaagi ni Health Education and Promotion Officer III, Ms. Mhegan L. Dominguez, LPT, mitambong ug nagsilbing resource speaker sa bag-ohay lang gipahigayong Gender and Development (GAD) Training nga gihimo sa Kalasungay Central School niadtong Nobyembre 7, 2025. Ang maong kalihokan gipatuman uban sa pakig-alayon sa Kalasungay Central School nga gipangulohan ni Ms. Rulyn Z. Crusio. Ang sesyon mitutok sa tema nga “Mental Health: Addressing the Needs of All Learners,” nga nagpasiugda sa kahinungdanon sa emosyonal nga kahimsog ug inklusibong pagtinabangay sulod sa komunidad sa eskwelahan. Si Ms. Dominguez nagpa-ambit og mga bililhon nga kasayuran kabahin sa pag-ila sa mga sinyales sa mental distress sa mga estudyante, pag promote sa supportive nga environment, ug pag-integrate sa mental health awareness diha sa adlaw-adlaw nga mga kalihokan sa sulod-tulunghaan.
Gipasi-ugda usab sa diskusyon nga ang mental health usa ka essential nga bahin sa epektibong pagkat-on, ug nga ang mga magtutudlo adunay dakong papel sa paghimo og safe, compassionate ug responsive nga learning environment alang sa tanang tinun-an.
Pinaagi niini nga inisyatibo, gipamatud-an pag-usab sa CHO ang ilang komitment sa pagpanalipod ug pagpasiugda sa mental wellness, ug pagtabang sa mga educational institutions sa paghimo ug malig-on, mahigugmaon, ug inclusive learning environment alang sa mga kabatan-onan.
Report: Mhegan L. Dominguez, LPT, HEPO III, CHO-NADA